የኢኮኖሚስት ኢንተለጀንስ ዩኒት (EIU) እ.ኤ.አ. በ2025 በዓለም ላይ በጣም ለኑሮ ምቹ የሆኑ ከተሞች ዝርዝር አውጥቷል፡፡ መመዘኛወቹም በከተሞች ያለው ሰላም እና ለህዝቦች ለመኖር ያለው ደህንነት በዋነኛነት ተጠቅሶል፡፡
የዴንማርክ ዋና ከተማ ኮፐንሃገን ቀዳሚውን ቦታ የያዘች ሲሆን የከተማዋ ከፍተኛ መረጋጋት፣ መሠረተ ልማት እና የአካባቢ ደህንነት ለነዋሪዎች ዕለታዊ ደስታን በቀዳሚነት እንደሚሰጥ ተገልጾል፡፡
የኦስትሪያ ዋና ከተማ የሆነችው ቪየና እና የስዊዘርላንድ ከተማ የሆነችው ዙሪክ ደግሞ ሁለተኛ ደረጃን ይዘዋል፡፡ የተሞላ የጤና ስርዓት እና የመሠረተ ልማት የሚታይባቸው እነዚህ ሁለት ከተሞች፤ በህዝቦቻቸው ዘንድ ምቹ የሆኑ ከተሞች ተብለዋል፡፡
የአውስትራሊያ ከተማ የሆነችው ሜልቦርን አራተኛ ደረጃ ላይ የተቀመጠች ሲሆን፤ በጤና አጠባበቅ እና በትምህርት ዘርፍ ይህን ደረጃ ልታገኝ ችላለች፡፡ ሜልቦርን በተጨማሪም በመሠረተ ልማት ከፍተኛ ውጤት አስመዝግባለች፡፡
በአምስተኛ ደረጃም በድጋሜ የስዊዘርላንድ ከተማ የሆነችው ጄኔቫ ትገኛለች፡፡ የከተማዋ አስተማማኝ መሠረተ ልማት እንዲሁም የትምህርት ስርዓት ጄኔቫ ከሌሎች ከተሞች ብልጫ እንዲኖራት አስችሎታል፡፡
በ ሔርሜላ ተመስገን












