በ3ተኛው የአፍሪካ ስራ እድል ፈጠራ ፎረም ላይ የተገኙት በምክትል ጠቅላይ ሚኒስትር ማዕረግ የዲሞክራሲ ሥርዓት ግንባታ ማስተባበሪያ ማዕከል ኀላፊ እና የብልጽግና ፓርቲ ምክትል ፕሬዚዳንት አደም ፋራህ፣ ግባችን ወጣቱን ለመወጥ እና ስረ ፈጠራን በማሳደግ ለሀገር ልማት አስተዋፅኦ ለማድረግ ያለመ ነው ሲሉ ገልጸዋል፡፡
በኢትዮጵያ የለውጥ ጉዞ የትምህርት ስልጠና፤ ፖሊሲ ከስራ እድል ፈጠራ ጋር የተጣጣመ በማድረግ በግብርና፤ኢንዱስትሪ፤በኢንፎርሜሽን ቴክኖሎጂ ፤ቱሪዝምና ማዕድን ባሉ ዘርፎች በከፍተኛ ትኩረት እየተሰራ መሆኑን አብራርተው፣ አበረታች ፣ ውጤታማ እንዲሁም ስትራቴጂካዊ ውይይቶች መደረጋቸውን ጠቁመዋል፡፡
የብልጽግና ፓርቲ ምክትል ፕሬዚዳንት አደም ፋራህ የአህጉር አንድነትን ማጠናከር እና እርስበእርስ መደጋፋፋ ያስፈልጋል ለዚህም ፎረሙ መነሻ ሀሳብ እንጂ መጨረሻ አይደለም ነው ያሉት፡፡
የትምህርት ትብብር፤ ፈጠራ እና ወሳኝ ኢንቨስትመንቶች የተመላከቱበት ነው፡፡ ኢትዮጵያም በዘርፉ እያከናወነች ያለውን ስራ ያሳየ ሲሉም ተናግረዋል፡፡
ሚኒስትሮች፣ ስራ ፈጣሪዎች፣ የግሉ ዘርፍ፣ ወጣቶች፣ አጋር ባለድርሻ አካላት የተሰባሰቡበት ፎረሙ የፖሊሲ ውይይት የተደረገበት ብቻ ሳይሆን የአፍሪካ ወጣቶች ዘላቂ እና ትርጉም ያለው ስራ የመፍጠር አስፈላጊነት የተንጸባረቀበት እንደነበር ተናግረዋል፡፡
አፍሪካ በርካታ ሀብት እንዳላት የገለጹት የብልጽግና ፓርቲ ምክትል ፕሬዚዳንት አደም ፋራህ በኢነርጂ፣ በፈጠራ አቅም መኖር በመጠቆም በተለይ አብዛኛው የአህጉሪቱ ህዝብ ወጣት በመሆኑ ይህ ለስራ እድል ፈጠራ ወሳኝ ነው ብለዋል፡፡
ሆኖ ግን እድሉን በቁርጠኝነት እና በፍጥነት መጠቀምን ይጠይቃል ብለዋል፡፡ ስራ እድል ፈጠራ በወቅታዊ ፖሊሲ ብቻ የሚካተት ሳይሆን በዋነኛ በአህጉሩ በተቀናጀ መልኩ የሚተገበር የእድገት ስትራቴጂ ነው በማለት ገልጸዋል፡፡
ስራ ገቢ ለማግኘት የሚረዳ ብቻ አይደለም ክብር፣ ሰላምና መረጋጋትን በውስጡ የያዘ በመሆኑ ለወጣቱ የስራ እድል መፍጠር ጠቀሜታ ላይ ያለ መሆኑን ገልጸዋል፡፡
በ ሰላም ይልማ












