የፈረንሳዩ ፕሬዝዳንት ኢማኑኤል ማክሮን ፈረንሳይ ከብሪኤግሲት አባል ሀገራት ራሷን ካገለለች በኋላ ለመጀመሪያ ጊዜ እንግሊዝን ጎብኝተዋል፡፡
ማክሮን ለእንግሊዝ ፓርላማ ባደረጉት ንግግር በፈረንሳይ እና በእንግሊዝ መካከል የጠበቀ ግንኙነት መመለሱን አብስረዋል፡፡ ሁለቱ ሀገራት አውሮፓን ለማጠናከር በመከላከያ፣ በኢሚግሬሽን፣ በአየር ንብረት እና በንግድ ጉዳዮች ላይ በጋራ መስራት አለባቸው ብለዋል።
ህብረታችንን ሁሉንም ለውጥ ማምጣት እንደሚችል ለዓለም ማሳየት አለብን ያሉ ሲሆን፣ ያጋጠሙንን ፈተናዎች ለማሸነፍ ብቸኛው መንገድ እጅ ለእጅ ተያይዘን መሻገር ነው በማለት አብራርተዋል፡፡
በተጨማሪም ማክሮን በጋዛ ውስጥ ያለቅድመ ሁኔታ የተኩስ አቁም ስምምነት እንዲካሄድ ጠይቀዋል፡፡ ዩክሬን ከሩሲያ ጋር በምታደርገው ጦርነትም የአውሮፓ ህብረት ዩክሬንን ፈጽሞ እንደማይተዉ ገልጸዋል።
እንግሊዝ ለፍልስጤም መንግስት እውቅና በመስጠት ከፈረንሳይ ጋር በጋራ እንድትቆም አሳስበዋል፡፡ ይህንንም “ብቸኛው የሰላም መንገድ” በማለት ጠርተውታል፡፡
ፈረንሳይ እና እንግሊዝ የሚያጋጥሟቸውን የጂኦፖለቲካዊ ስጋቶች ዘርዝረዋል፡፡ ከአሜሪካ እና ከቻይና ጥገኝነት መጠንቀቅ እንዳለባቸው በመግለጽ፤ ኢኮኖሚን እና ማህበረሰብን ከዚህ ጥገኝነት ማላቀቅ እንደሚያስፈልግ አጽንኦት ሰጥተውበተል ነው የተባለው፡፡
በመጨረሻም ማክሮን ተመራማሪዎችን በሀገራቱ ውስጥ እንዲኖሩ ማመቻቸት እና በአርቴፊሻል ኢንተለጀንስ ላይ በጋራ ለመስራት እንደሚፈልጉ ገልጸው፤ ህብረት የመፍጠር እድሎችንም አመላክተዋል፡፡
አልጀዚራ እንደዘገበው
በ ሔርሜላ ተመስገን












