የመጀመሪያው የኢትዮጵያ የቃኘው ሻለቃ ጦር በኮሪያ ጦርነት ለመሳተፍ ኮርያ የደረሰው ልክ በዛሬው ቀን ሰኔ 19 1943 ዓም ነበር፡፡
ሰሜን ኮሪያ ደቡብ ኮሪያን በመውረር የጦርነት አዋጅ አስነገረች ፤ የተባበሩት መንግሥታት ድርጅት የጸጥታው ምክር ቤትም ሰሜን ኮሪያ የጠብ ጫሪነት ተግባሯን በአስቸኳይ እንድታቆምና ወደ ሰላማዊ ህይወቷ እንድትመለስ አስጠነቀቀ።
ሰሜን ኮሪያ ግን ውሳኔውን ቸል በማለት ወረራዋን ቀጠለች። በዚህም የጸጥታው ምክር ቤትም ለዓለም ሰላም ሲባል ወረራው እንዲቀለበስ ወሰነ። ውሳኔውን የደገፉና ለውሳኔው ተግባራዊነት ምላሽ የሰጡ አሥራ ስድስት የዓለም ሀገራት ወታደሮቻቸውን ወደ ስፍራው ለመላክ ወሰኑ። ከእነዚህ አገራት መካከልም ኢትዮጵያ አንዷ ነበረች።
የኢትዮጵያ የቃኘው ሻለቃ ጦር በሚያዚያ 8 1943 ዓም ከጅቡቲ ወደብ በመነሣት ሰኔ 19 1943ዓም ኮርያ ገብቶል። 1 ሺ የሚጠጉ መኮንኖችን እና ወታደሮችንም አካቶ ነበር። በኮሪያ ጦርነት የተሳተፈው የቃኘው ሻለቃ አባላት ከአፍሪካ የሄዱ ብቸኛ ወታደሮች ነበሩ።
በኮሪያ ምድር ከዘመቱ ምድቦች ሁሉ የተሰጣቸውን ሁሉንም ግዳጅ በድል የተወጡት የኢትዮጵያ ወታደሮች ብቻ ነበሩ።
በ-ሔርሜላ ተመስገን












