፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡
5ኛው የፓኪስታን- አፍሪካ የንግድ ጉባዔ በአዲስ አበባ ሊካሔድ ነው ።
የፓኪስታን መንግስት ፣ ንግድ ሚኒስቴር እና የፓኪስታን ንግድ ልማት ባለስልጣን (TDAP) በአዲስ አበባ ከሚገኘው የፓኪስታን ኤምባሲ የንግድ ክፍል ጋር በመተባበር 5ኛው የፓኪስታን – አፍሪካ የንግድ ልማት ጉባኤ (PATDC) እና የፓኪስታን ምርቶች ኤግዚቢሽን በአዲስ አበባ ሊያካሂዱ መሆኑ ተገልጿል።
ዝግጅቱም ከግንቦት ሰባት እስከ ዘጠኝ በሚሊኒየም አዳራሽ ይካሄዳል ተብሎ ይጠበቃል።
ኹነቱ በፓኪስታን እና በምስራቅ አፍሪካ ሀገራት መካከል ያለውን የኢኮኖሚ አጋርነት እና የንግድ ትብብርን ለማጠናከር ያለመ መሆኑ ዘግጅቱን አስመልክቶ ጋዜጣዊ መግለጫ የሰጡት አምባሳደር ጀማል በከር ገልጸዋል።

በኤግዚቢሽኑ ላይ ከተለያዩ ዘርፎች የተውጣጡ ከ100 በላይ የፓኪስታን ከፍተኛ ኤግዚብሽን አቅራቢዎች የተለያዩ ምርቶቻቸውን የሚያቀርቡ ሲሆን መድኃኒቶች፣ የህክምና መሣሪያዎች፣ የቆዳ ውጤቶች ፣ አልባሳት፣ የምግብ ምርቶች፣ የውበት መጠበቂያዎች እና ሌሎችም ይገኙበታል።
በዝግጅቱም በንግድ ልማት ላይ ያተኮረ የንግድ ጉባኤ፣ የሁለትዮሽ የንግድ ውይይቶች (B2B)፣ የመንግሥታት ውይይቶች (G2G) እና የእራት ፕሮግራሞች ይገኙበታል ተብሏል።
ፓኪስታንን ጨምሮ ከተለያዩ የአፍሪካ ሀገራት የተውጣጡ ከ400 በላይ ተሳታፉዎች ይገኛሉ ተብሎ ይጠበቃል።
በ-የአብስራ ሚሊዮን












