፡፡፡፡፡፡፡፡፡፡፡፡፡፡፡፡፡፡፡፡
የደቡብ አፍሪካው ፕሬዚዳንት ሲሪል ራማፎሳ በአገራቸው’የነጭ ዘር ፍጅት እየተፈጸመ ነው’የሚለውን ክስ አጣጣሉ።
የግዙፍ ቴክኖሎጂ ኩባንያ ባለቤቱ እና የዶናልድ ትራምፕ አስተዳደር ባልደረባ ኤለን መስክ ፕሪቶሪያ ነጮች ላይ ግፍ ትፈጽማለች በሚል ወንጅሏል።
ፕሬዚዳንት ሲሪል ራማፎሳ ግን ”ሙሉ በሙሉ የውሸት ትርክት “ሲሉ አውግዘውታል።
እንዲህ ዓይነቱ ሀሳብ በደቡብ አፍሪካ ህዝብ ውስጥ መከፋፈል እንዲፈጠር ለማድርውግ ውጥን ያለው ነው ያሉት ፕሬዚዳንቱ በዚህ ጉዳይ ላይ ክስ ያቀርውበውን አካል ስም ከመግለጽ ተቆጥበዋል።
ኤለን መስክ የፕሬዚዳንት ዶናልድ ትራምፕን ሀሳብ በማስተጋባት የትውልድ አገሩን ማብጠልጠሉን ለሚያስታውስ ግን መልዕክቱ ለማን እንደሆነ ለመገንዘብ አያዳግተውም፡፡
ጸረ-ነጮች አቋም ፕሪቶሪያ እያራመደች ነው ይላል መስክ።
ቱጃሩ እና የትራምፕ ቁልፍ አጋር መስክ “በደቡብ አፍሪካ ያለው ወሳኝ የፖለቲካ ፓርቲ ነጮችን የማስጨፍጨፍ ስራን እያበረታታ ነው”በሚል በኤክስ ገጹ ላይ መጻፉ አይዘነጋም።
በተጨማሪ የኤለን መስክ ስታርሊንክ የሳተላይት ኢንተርኔት አገልግሎት በአፍሪካ ምድር ያለመስራቱ ምስጢር ጥቁር ባለመሆኑ እንደሆንም ጽፏል፡፡
የዓለማችን ቁጥር አንድ ባለሀብት በዚህ መንገድ ፖለቲካዊ ግፊት በደቡብ አፍሪካ ላይ እየፈጠረም ነው ተብሏል፡፡
ደቡብ አፍሪካ ውስጥ ህንዱም ሆነ ነጩ ፡ጥቁሩም ሆነ ሌላው እኩል መብት አለው ያሉት ሲሪል ራማፎሳ ህዝቡ ለፋፋዮች ቦታ እንዳይሰጥ ጥሪ አቅርበዋል።
ነጮች ከደቡብ አፍሪካ ህዝብ 7 በመቶውን ቁጥር ብቻ ቢይዙም ዛሬም ሰፋፊ መሬቶችን ያስተዳድራሉ ፡፡
በ-ቢኒያም ካሴ












