፨ ፨ ፨ ፨ ፨ ፨ ፨
አዲስ አበባ | ህዳር 19 2017| NBC ETHIOPIA – የዛሬው ዕለት ለአሜሪካውያኑ የምስጋና ቀን ሲሆን በብሔራዊ በዓልነት ደረጃ ያከብሩታል፡፡
ታሪክ እንደሚያስቀምጠው በዓሉ ከሰሜን አሜሪካ የመጡ የዋምፐኑአግ ሕዝቦች አደንን እና ምርትን ማምረት ከመቻላቸው ጋር የተያያዘ ግንኙነት እንዳለው ይነገራል፡፡
የምስጋና ዕለትን በዘመናዊ መልኩ ማክበር የተጀመረው ታዲያ የአውሮፓውያኑ አስራ ዘጠነኛው ክፍለ ዘመን አጥቢያ ላይ ነበር ፡፡
አሜሪካውያኑ ከወዳጅ ቤተሰብ ጋር ሆነው ዕለቱን ጣፋጭ ምግቦች በመመገብ ያሳልፉታል፤ምስጋና የሚለዋወጡበት በዓላቸው ሲሆን ልዩ የእራት ቀናችን ነው ይሉታል፡፡
በሚሊዮን የሚቆጠሩ አሜሪካውያንም የኖቬምበር ወር መገባደጃ ላይ ቦርሳቸውን ሸክፈው ወደ ኒውዮርክ ጎዳናዎች ይተማሉ፡፡
በእርግጥ በዓሉ በተለያዩ የኒውዮርክ ከተሞች በደማቁ የሚከበር ሲሆን በቴክሳስም በተለያዩ አልባሳት በማጌጥ ሰልፎችን በማድረግ ልዩ የበዓል ድባብ የሚፈጠርበት ነው፡፡
ተሽከርካሪዎች መንገዱን በመብራት ሲያሽቆጠቁጡት አካሄዳቸውም የእግረኛ ዓይነት እንቅስቃሴን ይመስላል፡፡
የአሜሪካው አውቶሞቢል አሶሲዬሽን ከ71 ሚሊዮን በላይ ዜጎች በተሽከርካሪዎቻቸው ወደ ስፍራው እንደሚጓዙ ጠቅሷል፡፡
በርካቶች በዓሉ በድምቀት ወደሚከበርበት ስፍራው ለመሄድ ቢያቅዱም ከሰሞኑ የአየር ጸባዩ ፈታኝ በመሆኑ የአየር ትራንስፖርት ላይ መስተጓጎል አጋጥሟቸዋል፡፡ከ245 በላይ በረራዎችም ዘግይተዋል፡፡
ከአንድ መቶ ዓመት በላይ ያስቆጠረው የThanks giving ትዕይንት በሜሲስ ድርጅት አጋፋሪነት ሲደምቅ በሺዎች በሚቆጠሩ ሰልፈኞች ለጎዳናው ልዩ ውበት ይሰጡታል፤ ትርኢቱ በፊኛዎች በአልባሳት እና በሙዚቃ ባንዶች የታጀበ ደማቅ ሥነ ሥርዓት ያለው ነው፡፡
በ-ፍቅረሚካኤል ዘየደ












