፨ ፨ ፨ ፨ ፨ ፨ ፨ ፨ ፨ ፨ ፨
አዲስ አበባ | መስከረም 15 2017| NBC ETHIOPIA- በአማራ ክልል በዘንድሮው የምርት ዘመን በሩዝ ሰብል ከለማው መሬት ከ8 ሚሊዮን ኩንታል በላይ ምርት እንደሚጠበቅ የክልሉ ግብርና ቢሮ አስታወቀ።
በቢሮው የሩዝ ሰብል ልማት አስተባባሪ ወይዘሮ እንየ አሰፋ ለኢዜአ እንደገለጹት በምርት ዘመኑ 150 ሺህ 226 ሄክታር መሬት በሩዝ ሰብል ለምቷል።
የሩዝ ልማቱም በማዕከላዊ፣ ምዕራብና ደቡብ ጎንደር፣ በአዊና ሰሜን ጎጃም ዞኖች የለማ ሲሆን አጠቃላይ ከለማው መሬት ከ107 ሺህ ሄክታር የሚበልጠው በኩታ ገጠም የለማ መሆኑን ተናግረዋል።
በምርት ዘመኑ በሩዝ ሰብል የለማው መሬት ከቀዳሚው ዓመት ተመሳሳይ ወቅት ጋር ሲነፃፀር ከ68 ሺህ ሄክታር በላይ ብልጫ እንዳለው አመልክተዋል።
በምርት ዘመኑ በሩዝ ሰብል ልማት እየተሳተፉ የሚገኙ 200 ሺህ የሚጠጉ አርሶ አደሮች በሩዝ ካለሙት መሬት ከ8 ሚሊዮን ኩንታል በላይ ምርት ለመሰብሰብ መታቀዱን አስታውቀዋል።
በቀጣይም ልማቱን በማስፋፋትና ምርታማነቱን በማሳደግ ከውጭ የሚገባውን የሩዝ ምርት በሀገር ውስጥ ለመተካት የተያዘው ግብ እንዲሳካ ትኩረት ተሰጥቶ ይሰራል ብለዋል።
📌YouTube – https://www.youtube.com/@NBCETHIOPIA
📌 TikTok – https://www.tiktok.com/@nbcethiopia
📌Facebook -https://www.facebook.com/ethiopiannbc
📌Telegram-https://t.me/nbcethiopiatv
#NBC_ETHIOPIA
#ሆኖ_መገኘት












