፨ ፨ ፨ ፨ ፨ ፨
አዲስ አበባ | ሐምሌ 03 2016| NBC ETHIOPIA-የሞጆ ከተማ አስተዳደር በ2016 ዓ.ም ተሰርተው የተጠናቀቁ ከ60 በላይ ፕሮጀክቶችን በሁለተኛ ዙር መርሀግብር በዛሬው እለት አስመርቋል።
በዘንድሮ ዓመት የተሰሩትን 63 ፕሮጀክቶች በመጀመርያው ዙር ከትላንት በስቲያ ሰኞ ያስመረቀው ከተማ አስተዳደሩ ፥የሁለተኛውን ዙር የማስመረቂያ መርሀግብርን ዛሬ አካሂዷል።
የሞጆ ከተማ ከንቲባ ጋዛል ሃሹ በማስመረቂያ መርሃግብሩ ላይ ባደረጉት ንግግር ፥ ሞጆን ለኢንቨስትመንት የተመቸች ከተማ ለማድረግ በርካታ ስራዎች እየተከናወኑ መሆኑን ገልጸው፥ በዘንድሮ ዓመት የተሰሩ ፕሮጀክቶችም ከተማዋን ለማሳደግ እየተሰሩ ያሉ ሥራዎችን የሚያግዙ ናቸው ብለዋል።


ፕሮጀክቶቹ በመንግስት ወጪ እና ባለሀብቱን በማስተባበር የተሰሩ መሆናቸውንም ተናግረዋል ተመርቀዉ ከተከፈቱት ፕሮጀክቶች ፥የሞጆ ከተማ አስተዳደር የገንዘብ ጽህፈት ቤት ህንጻ፣ የውስጥ ለውስጥ የእግረኛ መንገድ፣ የመንገድ ላይ መብራቶች፣ የመዋለ ህጻናት ትምህርት ቤት፣ የከብት ማደለቢያ ክላስተር እና የዶሮ እርባታዎች፣ የብረታብረት መስሪያ ኢንደስትሪ ይገኙበታል።


ፕሮጀክቶቹ በተለይም ፥ለከተማው ነዋሪ የስራ ዕድል የፈጠሩ መሆናቸው ተገልጿል።በምረቃ ስነ ስርዓቱ ላይ የጨፌ ኦሮሚያ አፈጉባኤ ሰዓዳ አብዱርሃማን፣ የሞጆ ከተማ ከንቲባ ጋዛል ሃሹ፣ የከተማዋ አመራሮች፣ አባገዳዎች፣ ሃደ ሲንቄዎች እንዲሁም ጥሪ የተደረገላቸው እንግዶች ተገኝተዋል።
በ-ሰላማዊት ወንድወሰን
YouTube – https://www.youtube.com/@NBCEthiopiaSC
TikTok – https://www.tiktok.com/@nbcethiopia
Website – https://nbcethiopia.com/news/
Telegram-https://t.me/nbcethiopiatv












