፨ ፨ ፨ ፨ ፨
አዲስ አበባ | ሰኔ 05 2016| NBC ETHIOPIA- ብዙዎች አወዛጋቢ ነው ይላሉ ግን ደግሞ በሚሊዮን በሚቆጠር ተመልካችና አድናቂም አለው፣ በናፍቆት ይጠበቃል ዓለም አቀፉ የስፖርት ፊልሚያ World Heavy weight Championship… የአለም የከባድ ሚዛን ፍልሚያ
አንዱ አንዱን እያነሳ ያፈርጣል፣ ያጋጫል ፣ያላትማል።ተወዳዳሪዎች እርስ በርስ ፊታቸውን ሳይቀር በዱላ አልያም በብረት ይደባደባሉ። ተወዳዳሪዎች ከአየር ላይ የተወረወረ ግዙፍ ሰው እላያቸው ላይ ይወድቃል። እነዚህ ሁሉ በፍልሚያ ቀለበት ውስጥ ከሚደረጉ የሪሲሊንግ ትዕይንቶች እጅግ ጥቂቶቹ ናቸው።
በየዓመቱ በርካታ ተወዳዳሪዎች ወደ ወድድሩ ቀለበት በማምራት ይፋለማሉ። ይህንንም ፍልሚያውን ለመመልከት ደግሞ በርካቶች አህጉር አቆራርጠው ይጎርፋሉ። የውድድሩ አዳራሽም በታዳሚዎች የድጋፍ ጩኸት ይደምቃል ።
ጅማሮውን ያደረገው በጎርጎሮሳውያኑ 1963 በካፒቶል ሬስሊንግ ኮርፖሬሽን ነው። በመጀመሪያ ኩባንያው በ WWWF ዓለም አቀፍ ትግል ፌዴሬሽን ቁጥጥር ስር የነበረ ሲሆን በኋላ እ.ኤ.አ በ 2002 WWE የዓለም ሬስሊንግ ስር ሊሆን ችሏል።
እ.ኤ.አ. በ 2002 ርዕሱ የ WWF የዓለም የከባድ ሚዛን ሻምፒዮና ተብሎ በይፋ ተሰየመ ። ኋላም በቀላሉ WWF ሻምፒዮና ሆነ ።

ጅማሮውን ካደረገበት እ.ኤ.አ 1963 አንስቶ እስካሁን ድረስ በብዙዎች ዘንድ እንደተወደደ እና እንዳወዛገበ መዝለቅ የቻለ ውድድር ነው።
በዓለም ላይ በ 180 ሀገራት ላይ በ28 ቋንቋዎች ተተርጉሞ ከ800 ሚሊዮን በላይ የቴሌቪዥን ተመልካቿች ዘንድ በጉጉት እንደሚጠበቅ ይነገርለታል። በሀገረ አሜሪካ ብቻ 11ሚሊየን ቋሚ ደጋፊዎች እና ተከታታይ አባላት ያሉት ትልቁ የዓለማችን የቴሌቪዥን ፕሮግራም ነው ።
ይህ የቡጢ መዝናኛ ፕሮግራም ዓመታዊ ገቢ ከ1 ቢሊዮን ዶላር በላይ ሲሆን በላቀ ቴክኖሎጂ በሳምንት ለሰባት ሰአታት ይሰራጫል።
ይህንን የቡጢ ውድድር ብዙዎች እውነት እንደሆነ አምነው በቤታቸው የቴሌቪዥን መስኮት በጉጉት የሚጠባበቁት ውድድር ልክ እንደ ፊልም ተፅፎ እና በተወዳዳሪዎች ጥናት እና ልምምድ የሚቀርብ ስለመሆኑ አንዳንድ መርጃዎች ያመላክታሉ። ውድድሩ ፌክ ነው የሚል እምነት ይንጸባረቅበታል….
በጠቅላላው 51 ይፋዊ ሻምፒዮናዎች ተካሂደዋል። ስምንት ሰዎች ሻምፒዮናውን ለአንድ አመት እና ከዚያ በላይ በማሸነፍ የማዕረግ ንግስና መቆናጠጥ ችለዋል።

በ World Heavy weight Championship የውድድር ዘመን በሚያስደንቅ ሁኔታ ለረጅም ዓመታት የማዕረግ ንግስና መቆናጠጥ የቻለው ብሩኖ ሳማርቲኖ ነው። ይህም ለሁለት ተከታታይ የውድድር ዘመናት ማለትም በ1960ዎቹ እና በ1970ዎቹ ለ4,040 ቀናት ስሙን አስጠብቆ መዝለቅ ችሏል።
ከ25 በላይ ሽልማቶች ማግኘት የቻለም ጠንካራ እና ግዙፍ የካሊፎሪንያ ተወዳጅ ነው። ዘሮክ የሪሲሊግ አሸናፊ ብቻም ሳይሆን የፊልም ተዋናይም ጭምር ነው። በሪሲሊንግ ታሪክ ውስጥ ከ ሀያ ዓመታት በላይ የቆየ እና በርካታ ደጋፊዎች ያሉት ነው።
በ የአለም የከባድ ሚዛን ፍልሚያ በተደረጉ ውድድሮች በእድሜ ትንሹ አሸናፊ ራንዲ ኦርቶን ሲሆን እድሜውም 24 አመት ከ6 ወር ነበር። እ.ኤ.አ በ2004 በተደረገው ውድድር ብቃቱን ማስመስከር የቻለ በእድሜ ትንሹ ተወዳዳሪ መሆኑ ይነገራል።

በዚህ ሻምፒዮና ታሪክ ውስጥ ካሉት ታላላቅ ሻምፒዮናዎች አንዱ ነው ።ጆን ሴና ከስፖርቱ በተጨማሪ በተላያዩ የኪነጥበብ ስራዎቹ ዝናን ማትረፍ ችሏል። ጆን ሴና በ13 የዋንጫ አሸናፊነት የአለም የከባድ ሚዛን ፍልሚያ ሪከርድ ይይዛል።
በ-ሃይማኖት ወርቁ












