፨ ፨ ፨ ፨ ፨
አዲስ አበባ | ሚያዚያ 16 2016| NBC ETHIOPIA- መቄዶንያ የበጎ አድራጎት ማህበር ምንም ጧሪና ደጋፊ የሌላቸው፣ እራሳቸውን ችለው መንቀሳቀስ፣ መመገብ እና መፀዳዳት የማይችሉ የአልጋ ቁራኛ የሆኑና የሰው ድጋፍ የሚያስፈልጋቸው አረጋውያንንና አዕምሮ ሕሙማንን ከወደቁበት በማንሳት 17,500 በላይ የሚሆኑ ተረጂዎችን በተለያዩ ማዕከላት እያገዘ ይገኛል፡፡
ኢትዮ ቴሌኮም “ሚያዝያን ለመቄዶንያ” በሚል መሪ ቃል የማህበራዊ ኃላፊነቱን ለመወጣት እና የተቸገሩ ወገኖች ለመርዳት በማለም በዚህ ወር በአዲስ የደንበኞች ብዛት ለማህበሩ ድጋፍ እንደሚያደርግ ተገልጿል።
የኢትዮ ቴሌኮም የትስስር ገፆችን በሚቀላቀሉ አዳዲስ ተከታዮች ወይም (Follower) ብዛት 30 ብር እና በሚጋሩ ልጥፎች (Share) ልክ 10 ብር ለመቄዶንያ እርዳታ እንደሚያደርግ የመቄዶንያ በጎ አድራጎት መስራችና ስራ አስኪያጅ ቢኒያም በለጠ (ዶ/ር) አስታውቀዋል።
በቴሌግራም፣ ፌስቡክ፣ ኢንስታግራም፣ ሊንክዲን፣ ዩቲዩብ እና በቲክቶክ የማህበራዊ የትስስር ገፆች ኢትዮ ቴሌኮምን በሚቀላቀሉ አዲስ ደንበኞች ቁጥር እና በሚያጋሩት ልጥፎች ብዛት እርዳታው እንደሚደረግ መቄዶንያ የበጎ አድራጎት ማህበር ለመገናኛ ብዙሀን ባለሙያዎች በሰጠው መግለጫ ተመላክቷል።
ከሚያዚያ 16 እስከ 30 ባሉት ውስን ቀናት ተጠቃሚዎች መልዕክቶችን እያጋሩ አና የኢትዮ ቴሌኮም ቤተሰብ እንዲሆኑ የማህበሩ መስራች ቢኒያም በለጠ (ዶ/ር) አሳስበዋል።
በመግለጫውም በመጪውንየበዓል ወቅት የምግብ ፍጆታዎች፣ የፅዳት ቁሳቁስ፤ ለበዓል ቀን የሚሆን የእርድ ከብት በሁሉም ቅርንጫፎች እርዳታ በማድረግ በዓልን ከአረጋውያን ጋር ለማሳለፍ ጥሪ ቀርቧል።

በተጨማሪም የተገልጋዮችን ቁጥርን ወደ 20,000 ለማድረስ እና ሆስፒታል እንዲሆን በማሰብ በመገንባት በማህበሩ ቅጥር ጊቢ ውስጥ 3.5 ቢሊዮን ብር ወጪ ህንፃው እየተገነባ ይገኛል። ሆኖም ህንፃውን ለማጠናቀቅ የሚያስፈልጉ ግብአቶችን በሀገር ውስጥ እንዲሁም በመላው ዓለም የሚገኙ ኢትዮጵያዊያን እና ትውልድ ኢትዮጵያዊያን የበኩላቸውን ድጋፍ እንዲያደርጉ ጥሪ ተደርጓል።
አዲስ አበባ፣ ደሴ፣ ድሬዳዋ፣ ሻሽመኔ፣ አደዋ፣ ባህርዳር፣ ሐረር፣ ጋምቤላ፣መቱ፣ ጅማን ጨምሮ ከ25 በላይ ከተሞች ላይ ቅርጫፎችን በመክፈት አቅመ ደካሟችን እና ረዳት ያጡ ዜጎችን እየተንከባበከ ይገኛል። በቀጣይም ወሊሶ፣ በሱልልታ፣ ሰበታ፣ ደብረ ብርሃን፤ ሆሳዕና፣ ዲላ፣ ጂግጂጋ፣ እና በሌሎች የሀገሪቱ ከተሞችን ቅርጫፎችን ለመክፈት ጥረት እየተደገ ይገኛል።
በ-ሀሴት ኃይሉ
YouTube – https://www.youtube.com/@NBCETHIOPIA
TikTok – https://www.tiktok.com/@nbcethiopia
Facebook -https://www.facebook.com/ethiopiannbc
Telegram-https://t.me/nbcethiopiatv












