አዲስ አበባ | መጋቢት 03፣ 2016| NBC ETHIOPIA -በአውሮፓ ሻምፒዮንስ ሊግ የጥሎ ማለፍ መርሐ ግብር የአርሰናልና ፖርቶ የመልስ ጨዋታ ምሽት 5፡00 ሰዓት ኤምሬትስ ላይ ይጀምራል።
ከአውሮፓውያኑ 2010 በኋላ ለመጀመሪያ ጊዜ ሩብ ፍጻሜውን ለመቀላቀል የ90 ደቂቃ ዕድሜ ብቻ የቀረው መድፉ በ28ኛ ሳምንት የሊጉ መርሐ ግብር ብሬንትፎርድን ባሸነፈ 72 ሰዓታት ባልሞላ ጊዜ ውስጥ ነው ወሳኙን ፍልሚያ የሚያደርገው።
ቶሚያሱ፣ ጋብሬል ማርቲኔልና ጁሪየን ቲምበር በጉዳት ምክንያት ጨዋታው ያልፋቸዋል።

የክለቡ አሰልጣኝ ሚኬል አርቴታ በቅድመ ጨዋታ ጋዜጣዊ መግለጫቸው፣ ጨዋታው የታላቁ የሻምፒዮንስ ሊግ መድረክ ጨዋታ እንደመሆኑ ከመጀመሪያው ዙር ይበልጥ ተሻሽለው ለመቅረብ የተወሰኑ ነገሮችን እንደሚያስተካክሉ ተናግረዋል።
“ፖርቶዎችን በጥቂቱም ቢሆን አውቀናቸዋል፣በመጀመሪያው ዙር ያደረግነውን አይነት በርካታ ጨዋታዎችን በሊጉ አድርገናል። ( ከሁለት ቀናት በፊት ከብሬንትፎርድ ጋር የነበራቸውን ጨምሮ) በዚህ ጨዋታ የተሻለ ቁጥጥርና ዉጤት እናመጣ ዘንድ እራሳችንን መሆን ላይ እናተኩራለን ብለዋል”።
የፖርቶው አቻቸው ሰርጂዮ ኮንሴሳዎ በበኩላቸው፣ የሰሜን ለንደኑ ክለብ ከዓለማችን ምርጥ ክለቦች አንዱና አሁን ላይ ከየትኞቹም የአውሮፓ ተጋጣሚዎቹ የተሻለ ቁመና እንዳለው ተናግረዋል።
በደንብ የተሰራና የተሟላ ቡድን መሆኑን በመግለጽ ይሁንና “እናከብረዋለን እንጅ አንፈራውም” ባይ ናቸው።
“ሁሌም ተፎካካሪ እንደመሆናችን በዚህ ጨዋታውም በእርግጠኝነት ያንኑ እናደርጋለን” ሲሉ አክለዋል።
የመጀመሪያው ዙር ጨዋታ በፖርቱጋሉ ክለብ 1-0 አሸናፊነት መጠናቀቁ ይታወሳል።
YouTube – https://www.youtube.com/@NBCETHIOPIA
TikTok – https://www.tiktok.com/@nbcethiopia
Facebook -https://www.facebook.com/ethiopiannbc
Telegram-https://t.me/nbcethiopiatv












