አዲስ አበባ | ህዳር 03 2016| NBC ETHIOPIA – ጠቅላይ ሚኒስትር ዐቢይ አሕመድ(ዶ/ር) በተገኙበት ነገ ህዳር 04 ቀን፣ 2016 6ኛው የኢፌዲሪ የሕዝብ ተወካዮች ምክር ቤት 3ኛ ዓመት የስራ ዘመን 4ኛ መደበኛ ስብሰባውን ያካሂዳል፡፡

ጠቅላይ ሚኒስትሩ ነገ ከጠዋቱ 2 ሰዓት ጀምሮ በሚካሄደው የምክር ቤቱ 4ኛ መደበኛ ጉባኤ ላይ በመገኘት ፕሬዝዳንት ሣህለወርቅ ዘውዴ መስከረም 28 ቀን፣ 2016 ዓ/ም ለሕዝብ ተወካዮች እና ለፌዴሬሽን ምክር ቤቶች ያቀረቡትን የፌደራል መንግስቱን ዓመታዊ ዕቅድ የመክፈቻ ንግግር አስመልክቶ ከምክር ቤት አባላት ለሚነሱላቸው ጥያቄዎች ማብራሪያና ምላሽ የሚሰጡ ሲሆን ምክር ቤቱ የድጋፍ ሞሽኑን ያፀድቃል ተብሎ ይጠበቃል፡፡
በነገው ዕለት በሚካሄደው የምክር ቤቱ መደበኛ ስብሰባ የሐይማኖት አባቶች ተወካዮች፣ የተፎካካሪ ፓርቲ ተጠሪዎች፣ መቀመጫቸውን አዲስ አበባ ያደረጉ የተለያዩ ሃገራት ዲፕሎማቶች እና ጥሪ የተደረገላቸው እንግዶች እንደሚገኙ የሕዝብ ተወካዮች ምክር ቤት በማህበራዊ ትስስር ገጻቸው አስታውቀዋል፡፡
YouTube – https://www.youtube.com/@NBCETHIOPIA
TikTok – https://www.tiktok.com/@nbcethiopia
Telegram – https://t.me/nbcethiopiatv
Facebook- https://www.facebook.com/ethiopiannbc/












