አዲስ አበባ | ጥቅምት 19 2016| NBC ETHIOPIA – እኤአ ከ 1994 እስከ 2004 ዓ.ም. የተላለፈው በሀገራችንም ተወዳጅ የነበረው የፍሬንድስ ተከታታይ የቴሌቪዥን ድራማ ተዋናይ እ.ኤ.አ. በኦክቶበር 28፣ 2023 ዓ.ም. በ54 አመቱ በድንገት በቤቱ መታጠቢያ ገንዳ ሞቶ የተገኘው በህይወት ታሪኩ ዙሪያ እ.ኤ.አ. በ2022 ዓ.ም. ‘Friends, Lovers and the Big Terrible Thing’ በሚል የህይወት ታሪኩን ጽፏል፡፡ ለረጅም አመታት በሱስ እንደተሰቃየ ጽፏል፡፡

• ለረጅም አመታት ኦፒዮይድስ (Opioid) የተባሉትን የህመም ማስተገሻ መድሀኒቶች (ቫይኮዲን፣ ኦክሲኮንቲን) እንዲሁም ዛናክስ የተባለ የጭንቀት መድሀኒት ለረጅም አመታት ያለሀኪም ትዕዛዝ ይወስድ ነበር፡፡
• በ49 አመት እድሜው በነዚህ ኦፒዮይድ መድሀኒቶች የተነሳ ትልቁ አንጀቱ ተበስቶ ነበር፣ ከሞት ለትንሽ የተረፈው በህክምና እርዳታ ነበር፤ ለዘጠኝ ወራትም ከእንብርቱ በታች በተሰራ ቀዳዳ (ኮሎስቶሚ) ይጸዳዳ ነበር፡፡
• ለመጀመሪያ ጊዜ ከተሰራለት 7 ሰአታት የፈጀ ቀዶ ጥገና በተጨማሪ ለተከታታይ 14 ጊዜ ቀዶ ጥገና ተሰርቶለታል፡፡
• በዚህ ምክንያት ለረጅም ጊዜ ከሱስ ነጻ ሆኖ መቆየት ችሎ ነበር፤ ነገር ግን ኦፒዮይድ (Opioid) የመጠቀም አምሮቱ በመመለሱ ሆስፒታል ለቀዶ ጥገና በሄደበት የውሸት የህመም ምልክቶችን በመናገር ሀይድሮኮዶን የተባለ መድሀኒት እንዲታዘዝለት አድርጎ እንደገና ወደ ሱስ ተመለሰ፡፡
• መጽሀፉን በጻፈበት ማለትም ከአንድ አመት በፊት እድሜው 53 የነበረ ሲሆን ለ 18 ወራት ከሱስ ነጻ እንደነበር ይተርካል፡፡
ሱስ ማንንም የማይመርጥ ገዳይ የሆነ የጤና ችግር ነው፡፡ በሱስ የተጠቁ ሰዎች እስከ 20 አመት ድረስ እድሜያቸው ያጥራል፡፡
በሀገራችን እንደ ትራማዶል፣ ፔቲዲን፣ ሞርፊን የመሳሰሉ የህመም ማስታገሻ መድሀኒቶችን እንዲሁም ሰዎች ያለአግባብ መጠቀም በስፋት ይታያል፡፡ በዚህ ሱስ ምክንያት በርካታ ሰዎች ህይወታቸው አልፏል፡፡ ስለዚህ እነዚህን መድሀኒቶች ባለሙያዎች በጥንቃቄ በማዘዝ፣ እንዲሁም ፋርማሲዎች ያለ ልዩ የሀኪም ማዘዣ ባለመሸጥ የዜጎቻችንን ህይወት ከስቃይና ከህልፈት እንታደግ!
ፕሮፌሰር ሰለሞን ተፈራ እንደፃፉት!
YouTube – https://www.youtube.com/@NBCETHIOPIA
TikTok – https://www.tiktok.com/@nbcethiopia
Facebook – https://www.facebook.com/ethiopiannbc/
Telegram-https://t.me/nbcethiopiatv
#NBC_ETHIOPIA












