አዲስ አበባ | መስከረም 14 2016| NBC ETHIOPIA -የምስራቅ ሊቢያ ባለስልጣናት በሜዲትራኒያን አውሎ ንፋስ በተከሰተው የጎርፍ አደጋ የሞቱትን ሰዎች ቁጥር 3,845 መድረሱን አስታውቀዋል ።
የመንግስት ቃል አቀባይ መሀመድ አል ጃሬህ እንዳሉት 43 አስከሬኖች ተገኝተው መቅበራቸውን ገልፀዋል።

በሌላ በኩል በሊቢያ በጎርፍ አደጋ ወደ 3,958 የሚጠጉ ሰዎች እንደሞቱ እንዲሁም ከ9,000 የሚበልጡ ሌሎች የጠፉ መሆናቸውን የዓለም ጤና ድርጅት ገልጿል።
በመስከረም 10/2023 እ.ኤ.አ የሜዲትራኒያን አውሎ ንፋስ በሊቢያ ምስራቃዊ ማዕበል ቤንጋዚ፣ ባይዳ፣ አልማርጅ፣ ሱሳ እና ዴርና ጨምሮ በተለያዩ ከተሞች የጎርፍ መጥለቅለቅን አስከትሏል፣ ይህም በመሠረተ ልማት ላይ ከፍተኛ ውድመት እና የበርካታ ሰዎችን ህይወት አሳጥቷል ተብሏል።
እንደ አናዶሉ ዘገባ ዴርና በአደገኛው የጎርፍ መጥለቅለቅ በጣም የተጎዳች ሲሆን ይህም የከተማዋ ግድቦች እንዲፈነዱ በማድረግ ቤቶችን ጠራርጎ ወስዷዋል። እንደ ሊቢያ ባለስልጣናት 70% የሚሆነው የዴርና መሠረተ ልማት በአደጋው ጎርፍ ጉዳት ደርሶበታል።
በሃና ተሰማ
YouTube – https://www.youtube.com/@NBCETHIOPIA
TikTok – https://www.tiktok.com/@admin
Facebook- https://www.facebook.com/ethiopiannbc
Telegram-https://t.me/nbcethiopiatv












