አዲስ አበባ | ጳጉሜ 6 2015| NBC ETHIOPIA –የኢትዮጵያ ኦርቶዶክስ ተዋህዶ ቤተ- ክርስቲያን ፓትርያርክ ብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀጳጳስ ዘአኲስም ወዕጨጌ ዘመንበረ ተክለ ሃይማኖት የ2016 ዓ.ም አዲስ ዓመትን ምክንያት በማድረግ በሰጡት ጋዜጣዊ መግለጫ እንዳስታወቁት፤ በአዲሱ ዓመት የሰው ሕይወትን የሚቀጥፉ የመሳሪያ አፈ ሙዞች በሙሉ ወደ መጋዝን መግባት አለባቸው።
የኢትዮጵያ እስልምና ጉዳዮች ጠቅላይ ምክር ቤት የፈትዋ(ብይን)ና ምርምር ዘርፍ ኃላፊ ሸህ ኢድሪስ አሊ በበኩላቸው፤ በአሮጌው ዓመት ያሳለፍናቸውን መጥፎ ነገሮች በመተው መልካም ነገሮችን በመያዝ ወደ ሚቀጥለው አዲስ ዓመት መሸጋገር ይኖርብናል ብለዋል።

የኢትዮጵያ ካቶሊካዊት ቤተክርስቲያን ሊቀ ጳጳስ ብጹዕ ካርዲናል አቡነ ብርሃነኢየሱስ በበኩላቸው፤ አዲሱ ዓመት መልካም ታሪኮችን የምንተርክበትና የምንፈጽምበት እና የጥላቻ ትርክቶችን በበጎ ትርክቶች እንዲተኩ የበኩላችንን ጥረት የምናደርግበት ሊሆን ይገባል ብለዋል፡፡

አሁን ሀገራችን ላጋጠማት የሰላምና የጸጥታ መደፍረስ፤ እንዲሁም ለዘርፈ ብዙ ማህበራዊና ኢኮኖሚያዊ ቀውሶች መፍትሄው በኛው እጅ አለ ያሉት ደግሞ የኢትዮጵያ ወንጌላዊት ቤተ ክርስቲያን መካነ ኢየሱስ ፕሬዝዳንት ቄስ ዶክተር ዮናስ ይገዙ ናቸው።

YouTube – https://www.youtube.com/@NBCETHIOPIA
TikTok – https://www.tiktok.com/@nbcethiopia
Facebook- https://www.facebook.com/ethiopiannbc/
Telegram – https://t.me/nbcethiopiatv












