አዲስ አበባ ፤ ሐምሌ 14/2015| NBC Ethiopia- በስፔን ደቡብ ምስራቅ ክልል ሙርሲያ ውስጥ አንድ የ42 ዓመት ሞሮካዊ በከፍተኛ ሙቀት ምክንያት ህይወቱ ማለፉን የክልሉ ጤና ጥበቃ ማረጋገጡን አናዱሉ ዘግቧል።

ስፔን በዚህ የበጋው ወቅት ሶስተኛው የሙቀት ማዕበል ላይ ትገኛለች የሙቀት መጠኑ በአሁኑ ጊዜ ከ30 በላይ የሀገሪቱ 50 ግዛቶችን እየጎዳ ሲሆን ከማክሰኞ ጀምሮ፣ በክልሉ ያለው የሙቀት መጠን ከ40°C (104°F) በላይ ሆኗል።
የዚህ ግለሰብ ህይወት በአሁኑ የሙቀት ማዕበል ወቅት የተዘገበው የመጀመሪያው ሞት ነው። ይሁን እንጂ በዚህ የበጋ ወቅት ቀደም ባሉት ጊዜያት ሁለት ሌሎች ገበሬዎች ህይወታቸውን አጥተዋል። ይህም በሀገሪቱ በሙቀት ምክንያት የሞቱትን ሰዎች በአጠቃላይ ወደ ሶስት ከፍ ያደርገዋል።

በሰኔ ወር መገባደጃ ላይ ህይወታቸውን ያጡት ሁለት ገበሬዎች የ47 ዓመት እና የ46 ዓመት ገበሬዎች ነው ሁለቱም በእርሻቸው ውስጥ ሲሰሩ ህይወታቸው አልፏል።
በሃና ተሰማ
YouTube – https://www.youtube.com/@NBCETHIOPIA
TikTok – https://www.tiktok.com/@nbcethiopia
Facebook -https://www.facebook.com/ethiopiannbc












