
አዲስ አበባ |የካቲት 16 2015 | NBC ETHIOPIA- እስራኤል በዌስት ባንክ ናቡስ ከተማ 11 ፍልስጤማውያንን ከገደለው ጥቃት በኃላ ውጥረቱ እየጨመረ በመምጣቱ እስራኤል በጋዛ ላይ ጥቃት ሰነዘረች።
የእስራኤል ጦር ቀደም ሲል በእስራኤላውያን ላይ በተሰነዘረ ጥቃት የተጠረጠሩ ሶስት ተዋጊዎችን ለመያዝ ወደ ናቡስ መግባቱን ተናግሯል እንደነበር አይረሳም።
በተከበበው የፍልስጤም ግዛት ሮኬቶች ከተተኮሱ በኋላ እስራኤል ከጋዛ ከተማ በስተሰሜን የአየር ድብደባ ጀምራለች።
ከሰዓታት በፊት ከጋዛ ሰርጥ የተተኮሱ ሮኬቶች የሌሊቱን ሰማይ አብርተው በእስራኤል ስዴሮት እና አሽቀሎን ከተሞች ውስጥ አስጨናዊ ድምጽ አስነስተዋል። እስካሁን በሰው ህይወት ላይ ስለደረሰ ጉዳት የተገለጸ ነገር የለም።
የፍልስጤም እማኞች ቢያንስ ስምንት ሮኬቶች ሲተኮሱ መመልከታቸውን የገለጹ ሲሆን የእስራኤል ጦር ግን ስድስት እንደሆነ ገልፃል፡፡ የእስራኤል ጦር የአየር መከላከያ ስርአቱ አምስቱን ሮኬቶችን ሲይዝ ስድስተኛው ሰው አልባ በሆነ አካባቢ እንደወደቀ አስታውቆል፡፡
በጋዛ ላይ የተመሰረተው የፍልስጤም እስላማዊ ጂሃድ ቡድን የእስራኤል ወታደራዊ ጥቃት በናብሉስ የፈጸመውን ጥቃት እንደ “ትልቅ ወንጀል” በማውገዝ “ተቃውሞው ምላሽ መስጠት አለበት” ሲል አውግዟል። ከሰዓታት በፊት ከጋዛ ሰርጥ ለተተኮሱት ሮኬቶች ሃላፊነቱን የወሰደ የፍልስጤም ቡድን የለም።
የፍልስጤም የጤና ጥበቃ ሚኒስቴር እንደገለጸው ቢያንስ 100 ሌሎች ሲቆስሉ ከእነዚህ ውስጥ 82 ያህሉ በቀጥታ በጥይቶች እንደተመቱ አስታውቆል፡፡
ሃና ተሰማ
ምንጭ(አልጀዚራ)
#NBC_ETHIOPIA
#ሆኖ_መገኘት









