:::::::::::::::::::::::::::
የሶሪያ ጊዜያዊ አስተዳደር ፕሬዝዳንት አህመድ አልሻራ፤ በአቡዳቢ የመጀመሪያ የተባለ ጉብኝታቸውን ማድረጋቸው ተገለጸ፡፡
በሁለቱ ሀገራት መካከል የጋራ ትብብር ለመፍጠር ከተባበሩት አረብ ኢምሬቶች ፕሬዝዳንት ሙሃመድ ቢን ዛይድ ጋር መገናኘታቸውንም የሶሪያ ዜና አግልግሎት አስታውቋል፡፡
አል ሻራ በኢምሬት ውጭ ጉዳይ ሚኒስትር አብዱላህ ቢን ዛይድ አቀባበል ከተደረገላቸው በኋላ ከሀገሪቱ ባለስልጣናት ጋር በዝግ መክረዋል፡፡
ሁለቱ ሀገራት በምን ጉዳይ ላይ እንደተነጋገሩ እስካሁን ድረስ ከሁለቱም ወገን መግለጫ ባይሰጥም ፤በጋራ ፍላጎት ላይ የተመሰረተ ውይይት ሊሆን እንደሚችል ፖለቲከኞች ግምታቸውን አስቀምጠዋል፡፡
የሶሪያው ጊዜያዊ መሪ አህመድ አልሻራ የሁለቱን ወንድማማች ሀገራት ህዝብ ግንኑነት ለማጠናከር እንፈልጋለን ሲሉ በኤከስ ገጻቸው ላይ አስፍረዋል ፡፡
አልሻራ ፣ የበሽር አል- አሳድ መንግስትን ባለፈው ታህሳስ 2024 ካስወገዱ በኋላ፤ ወደ ገልፍ ሀገራት ሲያቀኑ አቡዳዳቢ ሁለተኛዋ ሀገር ሆናለች፡፡
ጊዜያዊ ፕሬዝዳንቱ ባለፈው የካቲት ወደ ሳውዲ አረቢያ በማቅናት የሁለቱን ሀገራት ዲፕሎማሲያዊ ግንኙነት ለማጠናከር ያለመ ይፋዊ ጉዞ ማድረጋቸው ይታወሳል፡፡ ዘኒው አረብ ዘግቦታል፡፡
በ-ቶማይ መኮንን












