ቱርክ በኳታር የሚደረገውን የጋዛ ተኩስ አቁም ድርድር ልትቀላቀል መሆኑ ተገለፀ።
ከቱርክ በኩል የሚገኙ ተወካዮች በዶሃ ካለው አደራዳሪ ቡድን ጋር ሆነው ይሰራሉ በሚል የኳታር የውጭ ጉዳይ ሚኒስቴር አሳውቋል። ፕሬዚዳንት ዶናልድ ትራምፕ የጋዛውን ተኩስ አቁም ገቢራዊ ለማድረግ 20 ነጥቦችን ይፋ ካደረጉ በኋላ ነው አንካራ የምትሳተፈበት ዕቅድ እንዳለ የተነገረው።
ፕሬዚዳንት ረሲፕ ጠይብ ኤርዶሃንም የዶናልድ ትራምፕን ሀሳባ ማድነቃቸው አይዘነጋም። ሃማስ በትራምፕ የቀረበውን ዕቅድ እየመረመረ ሲሆን በጎ ምላሽም ይጠበቃል ሲል አልጀዚራ ዘግቧል።
ሃማስም ሀላፊነት በተሞላበት መንገድ እየተመለከትኩት ነው ማለቱ ምናልባትም ውጥኑ ፍሬያማ ሊሆን እንደሚችልም ጠቋሚ ያደርገዋል። በሌላ በኩል ፕሬዚዳንት ዶናልድ ትራምፕ ሃማስ ከ3 እስከ 4 ቀናት ውስጥ ባለው ጊዜ ውሳኔውን ማሳወቅ እንዳለበት አሳስበዋል።
ብድርድር ሂደቱ አንካራ ለመሳተፍ ዕድሉን ማግኘቷም ዲፕሎማሲያዊ ጫናዎችን በእስራኤል ላይም ሆነ በጋዛው ሃማስ ላይ ለማብዛት አጋጣሚ ይፈጥራል ተብሏል። ቱርክ እና እሰራኤል ሁለቱም የአሜሪካ ቁልፍ አጋሮች ቢሆኑም ጦር ወደ መማዘዝ ሊደርስ የሚችል ዲፕሎማሲያዊ ውጥረት ላይ መሰንበታቸውም አይዘነጋም።
ዘገባው የአልጀዚራ ነው
በ-ቢኒያም ካሴ












