NBCEthiopia
ሃምሌ 24 ቀን 2017 ዓ.ም ከማለዳ 12:00 ጀምሮ ኢትዮጵያ በአንድ ጀንበር 700 ሚሊየን ችግኝ ለመትከል የያዘችው ውጥን ጀምራለች። ከጊዜያዊ ማስተባበሪያ ጣቢያ መግለጫ የሰጡት የመንግስት ኮሙኒኬሽን አገልግሎት ሚኒስትር ዴኤታ ተስፋሁን ጎበዛይ በአንድ ጀንበር 700 ሚሊየን ችግኞችን በመትከል የራሳችንን ክብረ ወሰን ከፍ እናደርገዋለን ብለዋል የመንግስት ኮሙኒኬሽን አገልግሎት ሚኒስትር ዴኤታ ተስፋሁን ጎበዛይ።

ችግኞችን የምንተክለው የአካባቢ ልማት ስራችንን ለማጠናከር፣ አረንጓዴ አሻራን በላባችን እና በጥሪታችን የገነባናቸውን ግድቦች ከደል ለመጠበቅ፣ የምግብ ሉዓላዊነታችንን ለማረጋገጥ፣ የእንስሳት መኖን በበቂ ለማምረት እና ኢትዮጵያን አረንጎዴ ለማልበስ ነው ብለዋል።
የዓለም ስጋት እየሆነ ለመጣው የአየር ንብረት ለውጥም አብነት ለመሆን ነው ያሉ ሲሆን፣ በመትከል ማንሰራራት በሚል በተጀመረው የአረንጎዴ አሻራ መረሃ ግብር አንዱ አካል በሆነው እና በአንድ ጀንበር 700 ሚሊየን ችግኞችን ለመትከል ሁሉም ኢትዮጵያዊ እንዲሳተፍ ጥሪ አቅርበዋል።
በ – ሄርሜላ ፍቃደ
ከጊዜያዊ ማስተባበሪያ ጣቢያ












