ቶማይ መኮንን
April 18, 2025
አሜሪካ በየመኑ ሁቲ ነዳጅ ማከማቻ በፈፀመችው ጥቃት ቢያንስ 38 ሰዎች መገደላቸውን ሁቲ አስታወቀ ፡፡ በቀይ ባህር ወደብ ላይ የተፈጸመው ጥቃት በኢራን ይደገፋል ለሚባለው የሁቲ ታጣቂ ቡድን የሚቀርቡ ቁሳቁሶችን እና ገንዘቦችን ለመግታት እንደሆነ ተገልጿል።

ሁቲ በጥቃቱ ቢያንስ 33 ሰዎች መገደላቸውን የገለጸ ሲሆን፤ ከሟቾቹ መካከልም 5 የህክምና ባለሙያዎች እንዲሁም 102 ሰዎች ቆስለዋል ፡፡ ከባለፈው ወር ጀምሮ በአሜሪካው ፕሬዝዳንት ዶናልድ ትራምፕ ትዕዛዝ መሰረት በሁቲዎች ላይ የሚፈጸመው ጥቃት ተጠናክሮ ቀጥሏል ተብሏል፡፡
ሁቲዎች በቀይ ባህር እና በኤደን ባህረ ሰላጤ የሚንቀሳቀሱ የንግድ መርከቦችን ማጥቃት የጀመሩት የእስራኤል እና የጋዛ ጦርነት በፈረንጆቹ ጥቅምት 2023 ከጀመረ በኋላ እንደሆነ ይታወቃል፡፡ ሁቲ በባኤል መንደብ እና ሱዊዝ ካናል በሚተላለፉ መርከቦች ጥቃት የማያቆም ከሆነ ፔንታጎን ጥቃቱን እንደሚቀጥል አስታውቋል፡፡ አር ቲ ኒውስ ዘግቧል፡፡













