አዲስ አበባ | መስከረም 4 2016| NBC ETHIOPIA- በሊቢያ ደርና ከተማ በደረሰው የጎርፍ አደጋ ወደ 20 ሺህ የሚጠጉ ሰዎች ሊሞቱ አንደሚችሉ ተገለጸ።

የሊቢያ ምሥራቃዊ ክፍል አስተዳዳሪ ሂሻም ቺክዋት፥ የአደጋው ስፋትና የረድኤት አቅርቦቱ ባለመመጣጠኑ አስክሬኖችን በተገቢው ሁኔታ መቅበር እንኳ እንዳልተቻለ እና በርካታ የጅምላ ቀብሮችን ለመፈጸም መገደዳቸውን ገልፀዋል።
የሊቢያ ባለሥልጣናት 10ሺህ ሰዎች ደብዛቸው ጠፍቷል፤ ከ30ሺህ በላይ ሰዎች ተፈናቅለዋል ብለዋል።
ነጂብ ታህሮኒ የተባለ በደርና የሚገኝ ሐኪም እሱና ጓደኞቹ በርካታ ቤተሰቦቻቸውን በጎርፉ ማጣታቸውን ተናግሯል። ሆስፒታሉም በሬሳ መሞላቱንም ገልጧል።
“ሁኔታውን የሚረዳ የእርዳታ ሰጪ ባለሙያዎች ያስፈልጋሉ። እስትንፋስ ከፍርስራሽ አነፍንፎ የሚጠቁም የሰለጠነ ዉሻ ያለው የእርዳታ ሰጪ ቡድን ያስፈልጋል፣ የሚሰራውን የሚያውቅ ማለቴ ነው” ብሏል።
ድንበር የለሹ የሐኪሞች ቡድን የአስቸኳ ጊዜ እርዳታ ሰጪ ደርና ደርሶ ሁኔታውን ይገመግማል ተበሎ ይጥበቃል።
YouTube – https://www.youtube.com/@NBCETHIOPIA
TikTok – https://www.tiktok.com/@nbcethiopia
Facebook- https://www.facebook.com/ethiopiannbc
Telegram – https://t.me/nbcethiopiatv
#NBC_ETHIOPIA
#ሆኖ_መገኘት












